Learn More About Erap:

Ang Hari ng Kangkungan

Joseph "Erap" Ejercito Estrada

Hindi kataka-taka ang pagsulong ni Erap sa kapangyarihan.   Bilang artista ng pinilakang tabing, sinubok ang mundo ng pulitika.  Naihalal bilang alkalde ng San Juan, mula roon ay naiupo sa senado, naging Pangalawang Pangulo, at noong 1998 ay nakatanggap ng malawakang boto bilang Pangulo ng Pilipinas. 

Sa bilis ng kanyang pagkaluklok sa kapangyarihan, dali-dalian din naman ang pagbasura sa kanyang bantayog.   Hindi pa nakakatatlong taon sa poder ay sapilitang itinaboy ng mamayang Pilipino ang mapanlinlang, mandurugas, kriminal at inutil na pamamahala ni Erap.

Naging masakit na aralin sa taong bayan ang pagkahalal kay Estrada.  Si Erap ay 'di pangkaraniwang tao.   Tunay ngang wala siyang pinag-aralan.  Hindi dahil sa kahirapan kundi sa sukdulang katamaran at pakikipagbasag-ulo.   Isa siyang sinungaling.

Ginamit niya ang kasikatan bilang artista para mailuklok sa kapangyarihan na kung saan ay nasa posisyon siyang magpakasasa sa kayamanan ng bayan.  Kilala sa bisyong babae, alak, at sugal . . . nagawa rin niyang palakarin ang naghihirap na bansa sa pamamagitan ng pagnanakaw at paglustay sa kaban ng bayan para maluluhong mansion at ari-arian.  Nakipagsabwatan pa sa mga kriminal na tulad ni Mark Jimenez, Bong Pineda at Baby Asistio.

Nagkalat ang mga tulad ni Erap.  Walang direksiyon ang panunungkulan ngunit naihahalal sa posiyon.   Mag-ingat sa mga sinungaling, manggagamit, walang-alam at mabisyong artista-pulitiko!  (Click here for a list of artista-pulitiko TRAPO)

Si Erap ay isang TRAPO.   Dapat ibasura sa kangkungan ng Muntinlupa.  Katarungan ang sigaw ng bayan.

Huwag iboto ang TRAPO. Ikulong si Erap

Picture Courtesy of Philippine Daily Inquirer

Justice delayed is justice denied.